Թուրքիայում ֆուտբոլի ազգային առաջնության բոլոր հանդիպումները հետաձգվել են մրցավարի վրա հարձակումից հետո։ Միջադեպը տեղի է ունեցել երկուշաբթի երեկոյան Անկարայում «Անկարագուչու»-«Ռիզեսփոր» (1:1) խաղի ընթացքում։ Խաղի վերջում խաղադաշտ է վազել տանտերերի` «Անկարագուչու»-ի նախագահ Ֆարուք Քոջան և բռունցքով հարվածել մրցավար Հալիլ Մելերի դեմքին: Երբ նա ընկել է սիզամարգին, սկսել են ոտքերով հարվածել նրան։ Սկանդալ թուրքական ֆուտբոլում. ակումբի նախագահը խաղադաշտում ծեծել է մրցավարին Քոջան և ևս երկու անձ ձերբակալվել են, որոնց մեղադրանք է առաջադրվել պետական ծառայողին վիրավորելու համար։ Թուրքիայի ֆուտբոլի ֆեդերացիայի նախագահը հարձակումն անվանել է «անմարդկային» և վստահեցրել, որ հանցագործները պատասխանատվության կենթարկվեն: «Այս հարձակումը շատ ցավալի է ու ամոթալի թուրքական ֆուտբոլի համար։ Թուրքական ֆուտբոլն արժանի չէ դրան: Բավական է»,- գրել է նա: Սկանդալ թուրքական ֆուտբոլում. ակումբի նախագահը խաղադաշտում ծեծել է մրցավարին Ակումբը ներողություն է խնդրել «ողջ մարզական հանրությունից» կատարվածի համար։ Դատավորը հոսպիտալացվել է դեմքի ոսկորի փոքր կոտրվածքով, իսկ հիվանդանոցում նրան այցելել է ՆԳ նախարարը։ Թուրքիայի նախագահ Ռեջեփ Թայիփ Էրդողանը հեռախոսով դատապարտել է հարձակումը և մրցավարին շուտափույթ ապաքինում մաղթել։ |