+25 °C, +15 °C ... +27 °C Վաղը`+32 °C
Իսրայելի կառավարությունը ծրագրում է զգալի թվով պաղեստինցիների տեղափոխել Գազայի հատվածից Եգիպտոս։ Այս մասին հայտնում է РИА Новости-ն՝ իրազեկ աղբյուրին հղումով։ «Ըստ առկա տեղեկատվության՝ Իսրայելի կառավարությունը պլաններ է մշակում զգալի թվով պաղեստինցիների Գազայի հատվածից Եգիպտոս վերաբնակեցնելու համար՝ նրանց անվտանգությունն ապահովելու պատրվակով»,- ասել է նա։ Նա նշել է, որ առաջին փուլում առնվազն 100 հազար մարդ կարող է վերաբնակեցվել հարևան պետության տարածքում։ «Հետագայում նախատեսվում է այդ ճանապարհով արտաքսել Գազայի բնակիչների ևս մի քանի խմբաքանակ»,- նշել է նա։ Մինչ այս հայտնի է դարձել, որ պաղեստինյան ՀԱՄԱՍ շարժումը մերժել է Գազայի հատվածում հրադադարի և պաղեստինա-իսրայելական հակամարտության կարգավորման` Եգիպտոսի եռափուլ ծրագիրը։ Այս մասին գրել է իսրայելական Times of Israel թերթը՝ հղում անելով Եգիպտոսի պետական տեղեկատվական ծառայության ղեկավար Դիաա Ռաշվանին։ Նշվում է, որ Կահիրեն դեռևս սպասում է պատանդներին ազատելու և Գազայի հատվածում հակամարտությունը դադարեցնելու ծրագրի պատասխաններին։ |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am