«Ժողովրդավարական հարթակ» հիմնադրամի տնօրեն Գարեգին Միսկարյանը լուսանկարներ է տարածել իր էջում՝ կից գրառմամբ․ «Երևանի քաղաքապետարան, սկսում ենք` «Ասել ենք` դե արեք» արշավը:
Խնդիր N1
Րաֆֆու փողոցի էս անցումը բնիկները կոչում են՝ Վարդան Մամիկոմիկոնյանի անվան կամիկաձեների անցում: Բանն այն է, որ անցումը մի կողմից «կահավորված» է կանգառով, մյուս կողմից` հանդիսանում է ավտոբուսների վերջին կանգառ/կայանատեղի (դիսպեչերանոց): Երկու կողմից էլ անցումով անցնող անցորդի համար մեծ վտանգ կա հայտնվել մետաղյա հարբած փղերի ռետինե անվադողերի տակ:
Չեմ խոսում վարորդների համար ինսուլտի հասցմելու չափ վտանգավոր դեպքերի մասին, երբ հետիոտնային անցումի վրա կանգառ կատարած ավտոբուսի առջևից կամ հետևից պահի տակ ցատկում է պահպանման բնազդը բթացած մի երկոտանի հոմոսափիենս:
Հատու՞կ է սա արված: Վստահ եմ` ոչ: Վստահ եմ, որովհետև նման ծայրահեղ անտրամաբանական ( ավելի ճիշտ անասնական) լուծում տալու համար էլ է տաղանդ պետք, իսկ արված աշխատանքը ընդունողի մասնագիտական և մարդկային որակների մասին էլ չեմ խոսում:
Հիմա հարց:
Այս ծայրահեղ վտանգավոր հատվածը որքա՞ն ժամանակում կկարողանաք կահավորել այնպես, որ դառնա անվտանգ թե հետիոտնի, թե վարորդի համար, և ի՞նչ որակի աշխատանք կկատարվի:
Ասել ենք` դե արեք։
Հ․Գ․ Եթե մի ամսվա ընթաղքում լուծվի խնդիրը, խոստանում եմ լուսաբանել արված աշխատանքը»։