Հունվարի 13-ին ՀՀ ՆԳՆ ոստիկանության Գեղարքունիքի մարզային վարչություն տեղեկություններ են ստացվել, որ հունվարի 3-ին Գավառի մանկատանը վիճաբանություն է տեղի ունեցել, որի ժամանակ սաներից մեկին պատճառվել է ֆիզիկական ցավ։ Մանկատան 16-ամյա սանը հայտնել է, որ այդ օրը՝ ժամը 03:00-ի սահմաններում կենցաղային հարցերի շուրջ իր հետ վիճաբանել են մանկատան 17-ամյա, 15-ամյա և երկու 16-ամյա աղջիկները, որի ընթացքում վերջինները ձեռքերով և ոտքերով հարվածներ են հասցրել իր մարմնի տարբեր մասերին։ Դեպքի փաստով ոստիկանության Գավառի բաժնում փաստաթղթեր են ձևակերպվել, հայտնում է Գ․ Շամշյանը։