+20 °C, +9 °C ... +20 °C Վաղը`+21 °C
ՆԱՏՕ-ն ցանկանում է մոբիլիզացնել մոտ 90,000 զինծառայող փետրվարին մեկնարկող խոշոր զորավարժությունների համար, որի նպատակը Ռուսաստանին զսպելն է: Այս մասին հունվարի 18-ին հայտնել է գերմանական N-TV հեռուստաալիքը՝ վկայակոչելով Deutsche Presse-Agentur-ը։ Հեռուստաալիքը նշում է, որ «Կայուն պաշտպան» կոչվող զորավարժությունները ռազմական բլոկում ամենախոշորն են լինելու Սառը պատերազմի ավարտից ի վեր։ Հավելվում է, որ զորավարժությունների սցենարը լինելու է Ռուսաստանի հարձակումը դաշնակիցների տարածքի վրա։ Հյուսիսատլանտյան պայմանագրի 5-րդ հոդվածի համաձայն, «Եվրոպայում կամ Հյուսիսային Ամերիկայում նրանցից մեկի կամ մի քանիսի դեմ զինված հարձակումը կհամարվի` որպես ամբողջության դեմ հարձակում»: Ավելի վաղ՝ հունվարի 14-ին, Bild թերթը, վկայակոչելով Բունդեսվերի գաղտնի փաստաթուղթը, հայտնել էր, որ Գերմանիան պատրաստվում է ՆԱՏՕ-ի և Ռուսաստանի միջև ռազմական բախման, որը, իբր, կարող է տեղի ունենալ 2025 թվականին։ Գերմանիայի պաշտպանության նախարարությունն իր հերթին նշել է, որ տարբեր սցենարների դիտարկումն առօրյա ռազմական գործերի մի մասն է, հատկապես բանակային պատրաստության ժամանակ։ |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am