+19 °C, +9 °C ... +19 °C Վաղը`+19 °C
Չինաստանի հարավ-արևմուտքում գտնվող Յունան նահանգում սողանքի հետևանքով առնվազն 47 մարդ մնացել է ցեխակույտի տակ։ Ցեխի ու քարերի տակից դուրս է բերվել 8 դի, մնացածի ճակատագիրը դեռ անհայտ է։ Այս մասին հայտնում է BBC-ն։ Չինաստանի առաջնորդ Սի Ցզինպինը հրամայել է լայնածավալ փրկարարական գործողություն իրականացնել՝ ներգրավելով բոլոր անհրաժեշտ ռեսուրսները։ Ողբերգության վայրում է գտնվում աշխատանքային խումբը՝ փոխվարչապետ Չժան Գուոցինի գլխավորությամբ։ Սողանքը տեղի է ունեցել տեղական ժամանակով առավոտյան ժամը 6-ի սահմաններում, Չժաոտոնգ շրջանում, որը գտնվում է լեռներում: Տարվա այս եղանակին այնտեղ օդի ջերմաստիճանն իջնում է 0-ից ցածր, այսինքն, մարդիկ հայտնվեն են սառած քարաշերտի տակ։ «Շատ ուժեղ աղմուկ էր, և գետինը ցնցվեց, ինչպես երկրաշարժից»,- լրագրողներին ասել է տուժած գյուղի բնակիչներից մեկը: Տեղի մեկ այլ բնակչի խոսքով՝ սողանքի պահին տներում հիմնականում երեխաներ ու ծերեր են եղել։ Ականատեսների կադրերը, որոնք տեղադրվել են սոցիալական ցանցերում, ցույց են տալիս, թե ինչպես են փրկարարները աշխատում փլատակների կույտերի վրա՝ ձյունածածկ լեռների գագաթների ֆոնին: |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am