+17 °C, +10 °C ... +20 °C Վաղը`+21 °C
Արգենտինայի դաշնային դատարանը կասեցրել է նախագահ Խավիեր Միլեյի հրամանագրի երկու հոդվածների գործողությունը, որոնք վերաբերում են ֆուտբոլային ակումբներին, հայտնել է Արգենտինայի ֆուտբոլի ասոցիացիան։ Դատարանի որոշման մեջ, որը մեջբերում է ասոցիացիան, ասվում է, որ հրամանագրի 335-րդ և 345-րդ հոդվածների գործողությունը կասեցվում է մինչև վերջնական որոշման կայացումը: Հայցը ներկայացրել է Սալտո քաղաքի ֆուտբոլային լիգան, որը պահանջում է փաստաթղթի այդ մասը ճանաչել Սահմանադրությանը հակասող: Սա Միլեյի հրամանագրի արդեն երկրորդ մասն է, որի գործողությունը կասեցվել է դատարանի կողմից։ Ավելի վաղ աշխատանքային վեճերի դատական պալատը Սահմանադրությանը հակասող է ճանաչել աշխատանքային օրենսդրությանը վերաբերող փաստաթուղթը: Անցյալ տարվա դեկտեմբերի 20-ին Միլեյը ուղերձով դիմել է ազգին, որում հայտարարել է արտակարգ հրամանագիր ստորագրելու մասին: Նա թվարկել է 30 հիմնական բարեփոխումներ, որոնք ներառում են գների կարգավորումից հրաժարվելը, միջազգային առևտրի դյուրացման համար մաքսային կանոնների բարեփոխումը, պետական ընկերությունների մասնավորեցման նախապատրաստումը և արտահանման սահմանափակումների սահմանման արգելքը: Ընդհանուր առմամբ, փաստաթղթում կա ավելի քան 300 հոդված, որոնք փոխում կամ չեղարկում են գործող օրենքները: Հրամանագիրը կարող է չեղարկվել, եթե խորհրդարանի երկու պալատներն այն անվավեր ճանաչեն: |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am