Մեծ Բրիտանիայի թագավոր Չարլզ III-ի մոտ քաղցկեղ է ախտորոշվել, ասվում է Բուքինգհեմյան պալատի հաղորդագրության մեջ:
Ավելի վաղ Չարլզ III-ը դուրս էր գրվել հիվանդանոցից՝ շագանակագեղձի բուժում անցնելուց հետո։ «Հիվանդանոցում վերջերս անցկացված պրոցեդուրաների ժամանակ նկատվել է մտահոգիչ մեկ այլ խնդիր: Հետագա ախտորոշիչ թեստերը հայտնաբերել են քաղցկեղի տարատեսակ»,- ասվում է հաղորդագրության մեջ:
Հայտարարությունից բխում է, որ խոսքը շագանակագեղձի քաղցկեղի մասին չէ։ Թագավորն սկսել է բուժումը, որի ընթացքում բժիշկները խորհուրդ են տվել հետաձգել հանրային միջոցառումները։ Այնուամենայնիվ, նա կշարունակի կատարել պետական ​​պարտականությունները և աշխատել պաշտոնական փաստաթղթերի հետ։