«Պետական տուրքի մասին» օրենքի նախագծի քննարկման ժամանակ ելույթով հանդես եկավ ընդդիմադիր խմբակցության պատգամավոր Արթուր Խաչատրյանը: Հիշեցնենք՝ Կառավարությունն առաջարկում է ոսկու, պլատինի ու պալադիումի ձուլակտորների վրա սահմանել արտահանման տուրք: «Իշխանությունները փորձում են հիմա էլ բեռ դնել ոսկի ներկրող ու արտահանողների վրա: Կողմնորոշվեք՝ մենք գնում ենք արդյունաբերության զարգացմա՞ն, թե՞ տրանզիտային պետություն դառնալու ճանապարհով, եթե վերջինի, մի՛ «սպանեք» ներկրող-արտահողներին, ինչպես արեցիք մեքենաների դեպքում: Բոլոր մեքենա ներմուծող-արտահանողները բողոքում են, որ դուք էդ բիզնեսը սպանեցիք, հիմա նույնն անում եք ոսկի ներմուծող-արտահանողների հետ»,- հայտարարեց Խաչատրյանը: |