ՄԱՄՈՒԼ.ամ
Hay / Հայ | Рус | Eng | Tür
USD 402.56, EUR 440.64, RUB 4.58, GBP 505.01
+15 °C, +11 °C ... +22 °C Վաղը`+21 °C
Զելենսկին Սիրսկուն նշանակել է Ուկրաինայի զինված ուժերի նոր գլխավոր հրամանատար
22:18, 08.02.2024 | mamul.am
3961 | 0

Վլադիմիր Զելենսկին Ուկրաինայի ցամաքային զորքերի հրամանատար Ալեքսանդր Սիրսկուն նշանակել է Ուկրաինայի զինված ուժերի գլխավոր հրամանատար։
«Այսօրվանից նոր ղեկավար թիմ է ստանձնում Ուկրաինայի զինված ուժերի ղեկավարությունը: Ես գեներալ-գնդապետ Սիրսկուն նշանակել եմ Ուկրաինայի Զինված ուժերի գլխավոր հրամանատար»,- ասել է նա երեկոյան իր տեսաուղերձում: Զելենսկին նշել է, որ տասնյակ զրույցներ է ունեցել «տարբեր մակարդակների հրամանատարների հետ»։ Խոսքը, մասնավորապես, բրիգադային գեներալներ Անդրեյ Գնատովի, Միխայիլ Դրապատի, Իգոր Սկիբյուկի, ինչպես նաև գնդապետներ Պավել Պալիսի և Վադիմ Սուխարևսկու մասին է։ Նախագահի խոսքով՝ նրանք բոլորն էլ դիտարկվում են բանակում ղեկավար պաշտոններ զբաղեցնելու համար և ծառայելու են «ուկրաինացի փորձառու հրամանատարի» ղեկավարությամբ։
Երկրի ղեկավարի գրասենյակի կայքում Ուկրաինայի զինված ուժերի ղեկավար կազմը փոխելու վերաբերյալ համապատասխան հրամանագրեր դեռ չկան։
Այսօր ավելի վաղ Զելենսկին հանդիպել է այս պաշտոնը զբաղեցնող Վալերի Զալուժնիի հետ։ Անդրադարձ է եղել բանակի ղեկավար կազմի թարմացման թեմային, նախագահը նրան առաջարկել է «մնալ թիմում»։

Կիսվի՛ր այս նյութով՝
20:54, 25.05.2024
3387 | 0
դեպի վեր