Հունգարիայի նախագահ Կատալին Նովակը հրաժարական է տվել: Reuters-ը նշում է, որ նա հայտարարել է իր հրաժարականի մասին՝ մանկապղծության մեջ ներգրավված տղամարդուն ներում շնորհելու հետ կապված սկանդալի պատժառով։ «Ես սխալ եմ թույլ տվել»,- ասել է նա երկրի ազգային հեռուստաընկերության եթերում` նշելով, որ սա իր վերջին ելույթն է` որպես երկրի նախագահ: Հունգարիայի բոլոր ընդդիմադիր կուսակցությունները պահանջել են նրա հրաժարականը։ Բուդապեշտում և այլ խոշոր բնակավայրերում անցկացվել են բազմահազարանոց ցույցեր՝ Նովակի հրաժարականի պահանջով: |