«Ռոսպոտրեբնադզոր»-ը դադարեցրել է Հայաստանում արտադրված «Ջերմուկ» հանքային ջրի որոշ խմբաքանակների վաճառքը, երբ Վլադիկավկազի բնակիչը կերակրափողի այրվածք է ստացել՝ շշից մի կում խմելուց հետո, հաղորդում է РБК-ն: Ավելի ուշ նա հիվանդանոցում մահացել է: Հայկական կարգավորիչը հայտնել է, որ տղամարդու գնած ջրի շիշը կարող էր կեղծ լինել: Նախօրեին Հյուսիսային Օսիայի ղեկավար Սերգեյ Մենյայլոն հայտնել էր, որ գործարարներին հորդորել է դադարեցնել հանքային ջրի վաճառքը, իսկ գնորդներին կոչ արել չգնել այն՝ մինչև հանգամանքները կպարզվեն: |