Ռուսաստանը դաշնակիցների հետ ամրապնդում է ՀԱՊԿ ներուժը: Այս մասին հայտարարել է ՌԴ ԱԳ նախարար Սերգեյ Լավրովը` Պետդումայում կառավարական ժամի ընթացքում: «Դաշնակիցների հետ միասին ամրապնդում ենք ՀԱՊԿ-ի՝ որպես տարածաշրջանային առանցքային պաշտպանական կառույցի ներուժը, որը պատասխանատու է կազմակերպության անդամ պետությունների անվտանգության ապահովման, Եվրասիայում կայունության պահպանման համար: Հասունացել է եվրասիական տարածքում մայրցամաքային անվտանգության նոր ճարտարապետության ձևավորման խնդիրը, որին նվիրված էր 2023 թվականի հոկտեմբերին Մինսկում Բելառուսի նախագահ Ալեքսանդր Լուկաշենկոյի նախաձեռնությամբ հրավիրված միջազգային խորհրդաժողովը»,- ասել է Լավրովը: |