«Ուղղիչ գաղութ-3»-ը հայտարարել է, որ իրենք շահագրգռված են Նավալնիի մարմինը հնարավորինս շուտ հանձնել ընտանիքին, ասել է Կոռուպցիայի դեմ պայքարի բյուրոյի տնօրեն Իվան Ժդանովը։ «Գաղութը հայտարարել է, իբր իրենք շահագրգռված են դիակը հնարավորինս շուտ հանձնելու հարցում: Այժմ, սակայն, Քննչական կոմիտեում ակնհայտ է դարձել, որ չեն էլ պատրաստվում դիակը հանձնել։ Պարզվել է նաև, որ Սալեխարդի և Լաբիթնանգիի դիահերձարաններում դի չկա»,- գրում է Ժդանովը սոցցանցերում։ Քննչական կոմիտեն հայտնել է, որ մինչև ստուգումը չավարտվի, Նավալնիի մարմինը հարազատներին չեն տա։ «Այժմ Քննչական կոմիտեն ուղղակիորեն ասում է, որ մինչև ստուգումը չավարտվի, Ալեքսեյի մարմինը հարազատներին չեն տա»,- հայտնում է Կիրա Յարմիշը: |