Ռուսական բանտում մահացած ընդդիմադիր Ալեքսեյ Նավալնիի այրին՝ Յուլիա Նավալնայան, Բրյուսելում հանդիպել է ԵՄ առաջնորդների, մասնավորապես՝ Եվրոպական խորհրդի նախագահ Շառլ Միշելի հետ։ Հանդիպման կադրերը հրապարակել է Sky News-ը։ Նավալնայան ելույթ է ունեցել նաև ԵՄ արտաքին հարաբերությունների խորհրդի նիստում, ինչի մասին հայտնել է Ալեքսեյ Նավալնիի մամուլի քարտուղար Կիրա Յարմիշը։ Եվրոմիության արտաքին քաղաքականության դեպարտամենտի ղեկավար Ժոզեպ Բորելը Նավալնայային ցավակցություն է հայտնել ամուսնու մահվան կապակցությամբ։ «Վլադիմիր Պուտինն ու նրա ռեժիմը պատասխան են տալու Ալեքսեյ Նավալնիի մահվան համար. ինչպես ասաց Յուլիան, Պուտինը Ռուսաստան չէ, Ռուսաստանը Պուտինը չէ: Մենք կշարունակենք աջակցել Ռուսաստանի քաղաքացիական հասարակությանը և անկախ լրատվամիջոցներին»:
|