Բրազիլիայի նախագահ Լուիս Ինասիու Լուլա դա Սիլվան մտադիր չէ ներողություն խնդրել Իսրայելից՝ Գազայի հատվածում ռազմական գործողությունը քննադատելու և այն Հոլոքոստի հետ համեմատելու համար, հաղորդում է CNN Brasil-ը՝ հղում կատարելով պետության ղեկավարի՝ միջազգային հարցերով հատուկ խորհրդական Սելսա Ամորիմին:

«Մենք միշտ մեծ հարգանքով ենք արտահայտվում և պաշտպանում ենք երկու պետությունների (Իսրայելի և ապագա պաղեստինյան պետության) համակեցության մասին որոշումը: Մենք ներողություն խնդրելու պատճառ չունենք»,- ասել է նա՝ մեկնաբանելով Լուլա դա Սիլվային «պերսոնա նոն գրատա» հայտարարելու Իսրայելի որոշումը, քանի դեռ նա ներողություն չի խնդրել իր արտահայտությունների համար: