Ռուսաստանի նախագահ Վլադիմիր Պուտինը Հյուսիսային Կորեայի նախագահ Կիմ Չեն Ընին Aurus ավտոմեքենա է նվիրել, քանի որ նրան դուր է եկել մեքենան: Այս մասին լրագրողների հետ զրույցում ասել է Ռուսաստանի նախագահի խոսնակ Դմիտրի Պեսկովը: «Հյուսիսային Կորեայի նախագահի՝ «Վոստոչնի» տիեզերակայան այցի ժամանակ Պուտինն անձամբ ցույց է տվել նրան այդ մեքենան, որը Կիմ Չեն Ընը շատ է հավանել: Հենց այդ պատճառով նախագահը որոշել է այն նվիրել»,- ասել է Պեսկովը՝ նշելով, որ երկու երկրների միջև հարաբերությունները զարգանում են: |