Կարմիր ծովում նավթի հետք է առաջացել, երբ Եմենում հութի ապստամբները հարձակվել են բրիտանական Rubymar բեռնատար նավի վրա: Այս մասին հայտնում է ԱՄՆ կենտրոնական հրամանատարությունը (CENTCOM)։
«Հութիների չհրահրված և անխոհեմ հարձակումը զգալի վնաս է հասցրել նավին, ինչի հետևանքով առաջացել է 18 մղոն երկարությամբ նավթային բիծ»,- գրել է CENTCOM-ը X սոցիալական ցանցում: Բեռնանավը տեղափոխելիս է եղել ավելի քան 41.000 տոննա պարարտանյութ:
Դրա վրա հարձակումը կարող է հանգեցնել բնապահպանական աղետի: Բացի այդ, հութիների գործողություններն սպառնում են ձկնարդյունաբերությանը և սննդամթերքի ներմուծմանը:
Rubymar-ը բելիզյան դրոշով նավարկելիս է եղել ԱՄԷ-ից Բուլղարիա։ Հրթիռակոծության արդյունքում նավը լրջորեն տուժել է, անձնակազմը տարհանվել է և տեղափոխվել մոտակա նավահանգիստ։