+25 °C, +15 °C ... +26 °C Վաղը`+32 °C
Վրաստանում հայերի միությունից տեղեկացնում են, որ 2024 թվականի փետրվարի 25-ին Հավլաբարի Սուրբ Էջմիածին եկեղեցու հարակից տարածքից մի խումբ անդամներ երթով շարժվել են դեպի Սուրբ Գևորգ առաջնորդանիստ եկեղեցի` ի հիշատակ Սումգայիթյան ջարդերի անմեղ զոհերի: Այնտեղ կիրակնօրյա Սուրբ Պատարագից հետո Վիրահայոց թեմի առաջնորդ Գրշ. Տ. Կիրակոս Եպս. Դավթյանի նախագահությամբ կատարվել է հոգեհանգստյան կարգ։ Ապա Վիրահայոց թեմի «Հայարտուն» կրթա-մշակութային կենտրոնում անցկացվել է դասախոսություն «Սումգայիթի ջարդեր» թեմայով, որը բանախոսությամբ հանդես է եկել պատմաբան Ենոք Թադևոսյանը, նաև ցուցադրվեց ֆիլմ, ինչից հետո ելույթ է ունեցել Բաքվի փախստական, ներկայում Վրաստանի քաղաքացի` ներկայացնելով Բաքվում իր և իր հարազատների տեսած ջարդերի մասին։ Այս համատեղ միջոցառմանը ներկա են եղել Վիրահայոց թեմի հոգևոր դասի ներկայացուցիչներ, Վրաստանում ՀՀ դեսպանության ներկայացուցիչներ և Համայնքի անդամներ։ |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am