Հունգարիայի խորհրդարանը 5 տարով երկրի նախագահ է ընտրել Սահմանադրական դատարանի նախագահ Տամաշ Շույոկին։ Շույոկի թեկնածությունը կողմ է քվեարկել 134 պատգամավոր, դեմ` 5-ը։ Ընդդիմադիր կուսակցությունները չեն մասնակցել քվեարկությանը։ Շույոկը պաշտոնը կստանձնի մարտի 5-ին։ Ավելի վաղ, երկուշաբթի օրը կայացած նիստի ժամանակ խորհրդարանն ընդունել էր նախկին նախագահ Կատալին Նովակի հրաժարականը, ով լքել էր պաշտոնը մանկապղծությամբ զբաղվող տղամարդուն ներում շնորհելու հետ կապված սկանդալից հետո: |