ԱՄՆ Պետդեպարտամենտի խոսնակ Մեթյու Միլերը մեկնաբանել է ՌԴ ԱԳ նախարար Սերգեյ Լավրովի հայտարարությունները, ըստ որի՝ Արևմուտքը «ձգտում է վերահսկողության տակ վերցնել Մոլդովայի ղեկավարությանը, ինչպես դա տեղի ունեցավ Ուկրաինայի հետ», և որ Ռուսաստանը «լրջորեն կվերանայի» իր հարաբերությունները Հայաստանի հետ, եթե Երևանը շարունակի հեռանալ Մոսկվայից: «Մենք տեսնում ենք, որ Ռուսաստանի կառավարության նման հռետորաբանությունը ապակայունացնում է իրավիճակը տարածաշրջանում։ Հենց դա է պատճառը, որ Ռուսաստանի շատ հարևաններ մտահոգված են ՌԴ կառավարության սպառնալից հռետորաբանությամբ ու գործողություններով, ինչը կրկին ցույց է տալիս, որ Ռուսաստանը պատրաստ է քայլեր ձեռնարկել իր հարևանների դեմ»,- ասել է Միլերը։ |