+15 °C, +10 °C ... +21 °C Վաղը`+24 °C
Իրանի պաշտպանության նախարար Մոհամմադ Ռեզա Աշթիանին և Հայաստանի պաշտպանության նախարար Սուրեն Պապիկյանը Թեհրանում հանդիպում են անցկացրել՝ քննարկելով տարածաշրջանային անվտանգության հետ կապված հարցեր, հաղորդում է Mehr գործակալությունը: «Բոլոր հարևանների հետ հարաբերությունների ամրապնդումն Իրանի Իսլամական Հանրապետության արտաքին քաղաքականության սկզբունքներից մեկն է: Իրանը մեծ նշանակություն է տալիս Հայաստանի հետ իր հարաբերություններին: Երկու երկրների հարաբերությունները տարբեր ոլորտներում մշտապես զարգացել են Հայաստանի անկախացումից ի վեր: Իրանի Իսլամական Հանրապետության վճռորոշ դիրքորոշումն է՝ աջակցել տարածաշրջանի երկրների տարածքային ամբողջականությանը, իրենց ամբողջ տարածքի նկատմամբ ինքնիշխանության իրավունքն ու չփոխել միջազգայնորեն ճանաչված սահմանները»,- ասել է Աշթիանին: Նա նշել է, որ Իրանը հավատարիմ կմնա այդ քաղաքականությանը և կաջակցի Ադրբեջանի և Հայաստանի միջև ուղիղ բանակցություններին: Սուրեն Պապիկյանն, իր հերթին, ասել է. «Մեզ համար շատ կարևոր է, որ երկու երկրներն էլ նույն կերպ վերաբերվեն տարածաշրջանի կայունությանը»: Նա Թեհրանի և Երևանի միջև երկկողմ հարաբերությունների սերտացման կոչ է արել: |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am