+23 °C, +20 °C ... +35 °C Վաղը`+35 °C
Հայաստանի վարչապետ Նիկոլ Փաշինյանն անում է այն ամենը, ինչ ժամանակին արել է Ուկրաինայի նախկին նախագահ Պյոտր Պորոշենկոն և շարունակել է անել Ուկրաինայի ներկայիս նախագահ Վլադիմիր Զելենսկին: Այս մասին NEWS.ru-ի հետ զրույցում ասել է Պետդումայի՝ ԱՊՀ, եվրասիական ինտեգրման և հայրենակիցների հետ կապերի կոմիտեի նախագահի առաջին տեղակալ Վիկտոր Վոդոլացկին: Այս կերպ նա արձագանքել է ռուս սահմանապահներին արտաքսելու` Երևանի որոշմանը։ «Սա ապացուցում է, որ ոչ թե Հայաստանը, այլ Փաշինյանն է անջատվում Ռուսաստանից: Ըստ էության, նա երբեք չի եղել Ռուսաստանի հետ: Նա եկել է իշխանության՝ քաղաքացիական հասարակության ներսում տարաձայնությունների ալիքի ֆոնին: Այսօրվա դրությամբ Փաշինյանն անում է այն ամենը, ինչ ժամանակին արել է Պորոշենկոն և շարունակել է անել Զելենսկին։ Նա քայլում է տրորված արահետով, որն իր համար որոշում են անգլոսաքսերը, որոնք մտադիր են Հայաստանը վերածել հերթական հակառուսական ճակատի»,- ասել է Վոդոլացկին: Ավելի վաղ Փաշինյանը հայտարարել է, որ Հայաստանը տեղեկացրել է Ռուսաստանին, որ Հայաստանն ունակ է ծառայություն իրականացնել «Զվարթնոց» օդանավակայանում՝ առանց ռուս սահմանապահների մասնակցության: |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am