Դատելով Ֆրանսիայի նախագահ Էմանուել Մակրոնի հայտարարությունից այն մասին, որ Ռուսաստանն իր երկրի հակառակորդն է, Փարիզը դեմ չէ բարձրացնել Ուկրաինայի հակամարտությունում իր ներգրավվածության աստիճանը: Այս մասին հայտարարել է ՌԴ նախագահի խոսնակ Դմիտրի Պեսկովը: «Այո, իհարկե, մենք կարդում ենք պարոն Մակրոնի հայտարարությունները։ Այն, որ Ռուսաստանը հակառակորդ է Ֆրանսիայի համար, ակնհայտ է: Իրականում այն պատճառով, որ Ֆրանսիան արդեն ներքաշված է Ուկրաինայի պատերազմի մեջ և անուղղակիորեն մասնակցում է այդ պատերազմին։ Բայց դատելով պարոն նախագահի հայտարարությունից, կարելի է ասել, որ Փարիզը դեմ չէ իր ներգրավվածության աստիճանը բարձրացնելուն», -լրագրողների հետ զրույցում ասել է Պեսկովը: