Այսօր՝ մարտի 19-ին հրաժարականի դիմում է ներկայացրել Հայաստանի պետական տնտեսագիտական համալսարանի ռեկտոր, սկանդալային պատմություններով հայտնի Դիանա Գալոյանը: Ռեկտորի ժամանակավոր պաշտոնակատար կնշանակվի ՀՊՏՀ ուսումնական աշխատանքների գծով պրոռեկտոր Արմեն Գրիգորյանը: Հիշեցնենք, որ ՀՊՏՀ ռեկտոր Դիանա Գալոյանը 2017թ-ին գողություն է կատարել ԱՄՆ-ում «Նեյման Մարկուս» հագուստի խանութից: Տեղում բռնվել է, դատապարտվել է Լոս Անջելեսի դատարանում: Ըստ այդ որոշման՝ - Դիանա Գալոյանը 2 օր նստել է Լոս Անջելեսի բանտում, Դատարանը նաև պարտադրել է 1 տարի անց ներկայանալ՝ փորձաշրջանի պահանջների կատարման ապացույցներով: Դիանա Գալոյանը չի ներկայացել, և դատարանի կողմից տրվել է ձերբակալման հրաման ու հետախուզում: |