«Միասին» շարժման ներկայացուցիչներն այցելել են Տիգրանաշեն. «Այս գյուղը տալով՝ ընդհատվում է ճանապարհը դեպի Սյունիք, այլընտրանքը մնում է Վեդիով, Ուրցաձորով անցնող ճանապարհը, անմիջական վտանգի տակ են հայտնվում Արարատի մարզի Պարույր Սևակ գյուղը, Վայոց Ձորի մարզից Չիվա ու Ելփի գյուղերը վարի են գնում։ Տիգրանաշենը հանձնելով՝ 4 գյուղ է դատարկվում։ Եթե Իջևանի Բարխուդարլին ենք հանձնում, անպայման կդատարկվեն աջից՝ Այգեհովիտ, Վազաշեն, այնուհետև Պառավաքար գյուղերը, ձախից էլ՝ Ոսկեպարը, Կիրանցը, Բաղանիսը և կզրկվենք ճանապարհից, որով դուրս ենք գալիս Վրաստան»,- ասել է «Միասին» շարժման անդամ, նախկին վարչապետ Հրանտ Բագրատյանը։ Նրա խոսքով՝ 1980-ականաներին Մոսկվայում ԽՍՀՄ պետանվտանգության կոմիտեի ղեկավար Վլադիմիր Կրյուչկովի մոտ եղել են անկլավների վերաբերյալ քննարկումներ, որոնց արդյունքում Հայաստանի և Ադրբեջանի ստորագրությամբ կազմվել է 193 արձանագրություն, վերջինների համաձայն Ադրբեջանի տարածքում գոյություն ունի մեկ անկլավ՝ Արծվաշենը, իսկ Հայաստանի տարածքում՝ ոչ մի։ |