Ռուսաստանի նախագահի խոսնակ Դմիտրի Պեսկովը «տականք» է անվանել նրանց, ովքեր իրենց թույլ են տալիս չարախնդալ՝ Crocus City Hall-ում տեղի ունեցածից ահաբեկչությունից հետո, որի հետևանքով, վերջին տվյալներով, զոհվել է 139 մարդ: Այս կերպ Պեսկովը մեկնաբանել է Ուկրաինայի նախագահի նախկին օգնական Ալեքսեյ Արեստովիչի՝ վերապահումով հայտարարությունը, փոխանցում է ТАСС-ը։ «ՌԴ պաշտոնյաները դիմում են ամբողջ աշխարհին՝ ասելով, թե բոլորը պետք է իրենց ցավակցեն, թե իրենք արմատական իսլամի զոհեր են։ Նրանք մոռանում են՝ որքան մարդ է զոհվել մեզ մոտ՝ Ուկրաինայում»,- հայտարարել էր Արեստովիչը՝ Youtube-ի իր ալիքում։ |