+13 °C, +9 °C ... +21 °C Վաղը`+22 °C
Ղազախստանի ազգային անվտանգության կոմիտեի սահմանային ծառայությունը հեղեղումների հետ կապված իրավիճակի պատճառով ուրբաթ օրվանից ժամանակավորապես դադարեցրել է Ռուսաստանի հետ սահմանին գտնվող անցակետերից մեկի աշխատանքը։ Այս մասին հայտնում է գերատեսչության մամուլի ծառայությունը։ «Կոստանայի շրջանում հեղեղումների հետ կապված իրավիճակի պատճառով 2024 թվականի մարտի 29-ից Ժելկուար ավտոմոբիլային անցակետով ժամանակավորապես դադարեցվել է Ղազախստանի Հանրապետության պետական սահմանով մարդկանց, տրանսպորտային միջոցների, բեռների և ապրանքների անցումը»,- ասվում է հաղորդագրության մեջ։ Ղազախստանի Արտակարգ իրավիճակների նախարարության տվյալներով՝ ներկայում ջրի տակ են գտնվում ավելի քան 400 մասնավոր բնակելի տուն և 300 բակային տարածք Ակտոբե, Ակմոլա, Կոստանայ, Արևմտյան Ղազախստան, Հյուսիսային Ղազախստան և Պավլոդար շրջաններում։ Հանրապետության 7 մարզերի 26 բնակավայրեր մնում են առանց տրանսպորտային կապի։ Նշվում է, որ քաղաքացիական պաշտպանության ծառայությունների կողմից տարհանվել է գրեթե 6 հազար մարդ, որից գրեթե 2 հազարը՝ երեխա: Ստեղծվել են ժամանակավոր տեղակայման կետեր։ Դրանցում հիմա մոտ 3 հազար քաղաքացիներ են, որոնց տները հեղեղված են։ |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am