«Այն ամրությունները, որոնք մենք կառուցում ենք, իրենցից ներկայացնում են խրամուղիների, բլինդաժների և այլ տեսակի ապաստարանների ընդարձակ համակարգ: Մենք տեղադրում ենք արգելագծեր՝ «վիշապի ատամներ», հակատանկային խրամատներ և այլ չպայթող պատնեշներ։ Արդեն տեղադրվել է գրեթե 10 հազար բետոնե բուրգ, կառուցվել է հակատանկային խրամատ։ Մենք նույնիսկ մեկ օրով չենք դադարեցնում աշխատանքը, ունենք բոլոր անհրաժեշտ նյութերն ու տեխնիկան»,- գրել է նա։

Կրավչենկոն ընդգծել է, որ աշխատանքներն իրականացվում են զինվորականների հետ խորհրդակցություններից հետո։

Դնեպրոպետրովսկի մարզում նույնպես ամրություններ են կառուցվում։ Ռազմական վարչակազմի ղեկավար Սերգեյ Լիսակը հայտնել է, որ տարածաշրջանում տեղադրվել է ավելի քան 11 հազար «վիշապի ատամ», փորվել է ավելի քան 42 կմ հակատանկային փոս։