Վրաստանում խորհրդարանի նիստը սկսվել է պատգամավորների միջև վեճով, հաղորդում է Վրաստանի Առաջին ալիքը։ Ընդդիմադիր «Մոքալաքեեբի» («Քաղաքացիներ») կուսակցության պատգամավոր Ալեկո Էլիսաշվիլին հայտարարել է, որ իշխող «Վրացական երազանք» կուսակցության կողմից «Օտարերկրյա գործակալների մասին» օրինագիծը կրկին ներկայացնելը վիրավորանք է բոլորի համար և հանդիսանում է «ռուսական օրենք»։ Խորհրդարանի նախագահ Շալվա Պապուաշվիլին պահանջել է, որ պատգամավորները չօգտագործեն «ռուսական օրենք» արտահայտությունը։ Այնուհետև Պապուաշվիլին Ալեկո Էլիսաշվիլիին դուրս է հրավիրել նիստերի դահլիճից։ |