«Ոսկեպարցիների դիրքորոշումը չի փոխվել, այստեղ ոչ ոք չի պատրաստվում մեր հայրենքից որևէ սանտիմետր զիջել»,-Ոսկեպարում լրագրողների հետ զրույցում ասել է «Ժողովրդավարական համախմբում» կուսակցության նախագահ, քաղաքագետ Սուրեն Պետրոսյանը։ «Հանձնվում են մեր հյուսիսային դարպասները, և մեր պետականության համար ոտքի են կանգնել դեռևս միայն ոսկեպարցիները։ Եկեք կանգնեք նրանց կողքին»,- ասել է քաղաքագետը՝ չհամաձայնելով այն տեսակետին, թե Տավուշի տարածքների հանձնման դեմ ընդվզման գործողությունները պետք է Երևանում իրականացվեն։ Պետրոսյանը համոզված է՝ գործողությունների կիզակետը պետք է լինի Ոսկեպարը և որ համազգային համախմբման դեպքում, զինված ուժերը դիրքերը զիջելու հրաման չեն կատարի։ |