Իսրայելի պաշտպանության բանակը կիրակի օրը՝ ապրիլի 7-ին, հայտարարել է, որ իր զորքերը դուրս է բերել Գազայի հատվածի հարավում գտնվող Խան Յունիս քաղաքից, որը համարվում է իսլամիստական ​​ՀԱՄԱՍ շարժման կարևոր բազան։ «98-րդ դիվիզիան ավարտել է իր առաքելությունը Խան Յունիսում»,- ասվում է Իսրայելի պաշտպանության բանակի հայտարարության մեջ, որը մեջբերում է dpa-ն: Իսրայելական զորքերը լքել են Գազայի հատվածը «վերականգնվելու և հետագա գործողություններին պատրաստվելու համար», պարզաբանում է բանակի հրամանատարությունը։

Այնուամենայնիվ, հայտարարության մեջ ասվում է, որ Իսրայելի պաշտպանության բանակի «զգալի ուժեր» մնում են Գազայի հատվածում, որոնք «կպահպանեն իսրայելական բանակի գործողությունների ազատությունը և հետախուզական տվյալների հիման վրա ճշգրիտ գործողություններ իրականացնելու կարողությունը»:

Արդյո՞ք Խան Յունիսից զորքերի դուրսբերումը «կարևոր շրջադարձ» է նշանակում Իսրայելի՝ ՀԱՄԱՍ-ի դեմ պատերազմում, թե՞ դա նոր միջանկյալ քայլ է Եգիպտոսի հետ սահմանին գտնվող Ռաֆահ քաղաքում հնարավոր գործողության ուղղությամբ, այս պահին մնում է անհասկանալի, նշում է dpa գործակալությունը։