+11 °C, +9 °C ... +21 °C Վաղը`+19 °C
ՀՀ զինված ուժերը կունենան ներքին ծառայության նոր կանոնադրություն, համապատասխան օրինագիծը մշակման փուլում է։ Նախատեսվում է «Ուռա»-ն փոխարինել «Կեցցե» այն իրավիճակներում, երբ հրամանատարը շնորհավորում է անձնակազմին։ Ողջույնի այս ձևը ժառանգություն է մնացել դեռ խորհրդային բանակից, բայց այժմ որոշվել է «տեղայնացնել»: Այս մասին ավելի վաղ հայտնել է ՀՀ ՊՆ-ն։ «Военное обозрение» պարբերականն անդրադարձել է այդ հրապարակմանը՝ գրելով հետևյալը. «Հայաստանը վերջին շրջանում Ռուսաստանի հետ համագործակցությունից հրաժարվելու ձգտումներ ունի։ Երկրի վարչապետ Նիկոլ Փաշինյանը բազմիցս հանդես է գալիս Ռուսաստանի դեմ հայտարարություններով՝ Մոսկվային մեղադրելով Հայաստանին չպաշտպանելու մեջ։ Նա հայտարարել էր, որ Հայաստանի անդամակցությունը ՀԱՊԿ-ին ժամանակավորապես «սառեցվել է», և որ երկիրը չի մասնակցում այդ դաշինքի միջոցառումներին: Սակայն Արևմուտքի երկրների հետ համագործակցությունը Հայաստանին չի տալիս իր անվտանգության ապահովման որևէ իրական հեռանկար՝ հարևան Ադրբեջանի կողմից սպառնալիքների համատեքստում։ Արևմուտքին Հայաստանի հակառուսական դիրքորոշումն անհրաժեշտ է միայն Անդրկովկասում Ռուսաստանի ազդեցությունը թուլացնելու և տարածաշրջանում նոր լարվածություն հրահրելու համար»,-գրել է պարբերականը։ |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am