Ուկրաինայի նախագահ Վլադիմիր Զելենսկին մեկնաբանել է ռուսական բանակի զանգվածային հարվածը երկրի էներգետիկ ենթակառուցվածքներին: Նրա խոսքով՝ գնդակոծության ժամանակ օգտագործվել է ավելի քան 40 հրթիռ և մոտ 40 հարվածային անօդաչու։ «Հրթիռների և «Շահեդների» մի մասը հաջողվել է խոցել։ Ցավոք, միայն մի մասը»,- սոցցանցի իր էջում գրել է Զելենսկին։ Նա նաև հայտնել է, որ հարվածը հասցվել է Ուկրաինայի կարևոր ենթակառուցվածքների օբյեկտներին, այդ թվում՝ Խարկովում, Կիևում, Զապորոժիեում, Օդեսայում և Լվովում։ |