+23 °C, +16 °C ... +29 °C Վաղը`+28 °C
Իրանի պետական լրատվամիջոցները հաղորդում են Հորմուզի նեղուցում «Իսրայելի հետ կապված» առևտրային նավի առգրավման մասին։ MCS Aries կոնտեյներային նավը գրավել են Իսլամական հեղափոխության պահապանների կորպուսի (ԻՀՊԿ) հատուկ ջոկատայինները և ուղարկել Իրան, շաբաթ օրը՝ ապրիլի 13-ին, հայտարարել է Irna գործակալությունը։ Պորտուգալիայի դրոշը կրող նավը ԱՄԷ-ից ուղևորվում էր Հնդկաստան։ Հաղորդվում է, որ այն կարող է կապված լինել Zodiac Group-ի հետ, որը պատկանում է իսրայելցի գործարար Էյալ Օֆերին։ MCS Aries-ի առևանգման մասին առաջին հաղորդումներից անմիջապես հետո հրապարակվեց տեսանյութ, որում, իբր, երևում էր, թե ինչպես են ԻՀՊԿ հատուկ ջոկատայինները ուղղաթիռից վայրէջք կատարել կոնտեյներային նավի վրա: Սրանից քիչ առաջ բրիտանացի զինվորականները զգուշացրել էին, որ Հորմուզի նեղուցի մոտ գտնվող նավը կարող է աբորդաժի ենթարկվել անհայտ ուժերի կողմից։ TASS-ը, վկայակոչելով Իրանի կողմից առգրավված նավի օպերատորին, հայտնում է, որ բեռնարկղային նավի վրա անձնակազմի 25 անդամ կա։ |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am