Այսօր ՍԱՏՄ-ի շենքի մոտ իրենց բողոքի ձայնը բարձացրած խոզաբույծները նամակ փոխանցեցին` խնդրելով չեղարկել ակցիայի մասնակիցներից մեկի նկատմամբ սահմանված տուգանքը: «Գյուղացու վրա 100 հազարի տուգանք եք գրել 3 խոզի համար: Նրա տուգանքը չեղարկեք: Ամիսը 7000 կենդանի ա մտնում Հայաստան, նրանց սկզբից 700 հազար դոլարով տուգանեք, ոչ թե գյուղացուն` 3 խոզի համար»,- պահանջեց ակցիայի մասնակիցներից մեկը` դիմելով ՍԱՏՄ իրազեկման, խորհրդատվության և հանրության հետ տարվող աշխատանքների բաժնի պետ Անուշ Հարությունյանին: