Հայոց լեզվի պատմության ամբիոնի դոցենտ Նարինե Դիլբարյանը ֆեյսբուքյան իր էջում գրում է․ «Եկե՞լէ ԱԺ ՔՊ նախագահի վրեժի ժամանակը…Հայաստանում արգահատելի հանցագործություն կատարվեց, լոկ կասկածյալ, փաստացի հանրային պարսավանք իրականացրած Սամվել Վարդանյանի անմարդկային խոշտանգումը, որի պատվիրատուները, կազմակերպիչները եւ իրականացնողները պետք է խստագույնս դատապարտվեն, հանրայնորեն բացահայտվեն։ Հայաստանում նման քսու եւ ստոր հաշվեհարդար երբեւէ չէր կայացել ընդդիմադիր քաղաքացիների հանդեպ, կատարվածի մասին պետք է բոլոր իրավապաշտպան կառույցներին տեղյակ պահել, որ աջ ու ահյակ ժողովրդավարության եւ խաղաղության մասին բղավող իշխանությունը սթափվի անպատժելիությունից։ Բավական էր՝ ԱԺ նախագահը սպառնա խիստ պատժել, եւ Սամվել Վարդանյանին ձերբակալեցին, ապա անմարդկային խոշտանգեցին դիմակավորված մարդիկ ոստիկանության առերեւույթ հիմնավոր համաձայնությամբ։ Հազար ամոթ բոլոր նրանց, ովքեր կանգնած են այս ամենի ետեւում, գործող անձինք են, ոչ միայն Աստուծո ահեղ դատաստանին են արժանանալու, այլեւ Հայաստան պետության օրենքի խստագույն պատժին։ Հայաստանը դարձնելու ենք օրենքի երկիր»։