ԱԺ «Հայաստան» խմբակցության պատգամավոր Գառնիկ Դանիելյանը հայտնում է, որ երեկ Կիրանց գյուղում այդպես էլ ականազերծման աշխատանքներ չեն իրականացվել, քանի որ մարդիկ փակել էին ճանապարհը։ Փոխարենը ականազերծում է իրականացվել Բերքաբեր գյուղի հատվածում, որտեղ էլ ականի պայթյունից զինծառայող էր վնասվել։ «Տեղեկություններ ունենք, որ սակրավորներ կան՝ շատ դեպքերում հրաժարվում են ականազերծման աշխատանքներ իրականացնել, որոշները ազատման դիմում են գրել։ Նրանք հասկանում են, որ գործող իշխանություններին հանցակից են դառնում»,-հայտնել է Գառնիկ Դանիելյանը։