Այսօր Կիրանց է այցելել ՀՀ նախկին վարչապետ Վազգեն Մանուկյանը, ով իր խոսքում կարևորել է Տավուշի բնակիչների՝ հանուն իրենց և ամբողջ Հայաստանի համար տարվող պայքարը։ «Նիկոլ Փաշինյանը կարծես մեր երկրի սեփականատարը լինի և որոշի՝ որ կտոր հողը ում տա, ում չտա։ Շատ կարևոր է, որ ժողովուրդն այստեղ կանգնած պայքարում է իր և ամբողջ Հայաստանի իրավունքերի համար։ Հայաստանը խոսում է խաղաղության մասին, իսկ Ադրբեջանը Հայաստանն անվանում է Արևմտյան Ադրբեջան, ամեն մի զիջում բերում է պատերազմի վերսկսման հավանականության։ Բայց Ադրբեջանն այս պահին պատերազմ սկսել չի կարող՝ ելնելով միջազգային անբարենպաստ պայմաններից»,- ասել է Մանուկյանը՝ վստահություն հայտնելով, որ մոտ ժամանակներում քաղաքական ուժերի համախմբում կլինի և պայքարը կհաջողի։ |