Բագրատ Սրբազանին ոստիկանները թույլ չեն տվել բարձրանալ Կիրանց, սակայն կիրանցեցիներն իրենք են իջել Սրբազանի հետ հանդիպելու: Ոստիկանները չէին թողնում գյուղի բնակիչներին` մոտենալ Տավուշի թեմի առաջնորդին, սակայն նիրանք զայրացած պատասխանեցին` մեր սրբազանի մոտ ենք եկել, չի կարելի՞: Բագրատ արքեպիսկոպոսը կարողացավ մի պահ մոտենալ գյուղացիներին ու հորդորել հանգիստ մնալ, խաղաղ մնալ ու շարունակել մնալ նույն դիրքերում, մինչև ինքը կկարողանա միանալ: «Իսկ իրենք սրա համար պատասխան կտան»,- ասաց Սրբազանը` մատնացույց անելով ոստիկաններին: