ԱԺ փոխնախագահ Արշակ Հակոբյանը՝ անդրադառնալով ընդդիմադիրների՝ Տավուշի դեպքերի վերաբերյալ ելույթներին, նրանց մեղադրեց ստախոսության մեջ․ «Առաջարկում եմ այն խոսույթները, որոնցով առաջնորդվում եք և այն ստերը, որոնք հյուսում եք, դադարեցնեք, չազդեք մարդկանց հույզերի վրա։ Խնդրում եմ սահմանամերձ գյուղերի մեր հայրենակիցներին, որպեսզի իրար հետ այս ճանապարհը փոխվստահությամբ անցնենք, մենք որևէ բան ձեր մեջքի հետևում չենք անում, չենք անելու, ՀՀ սուվերեն տարածքից ոչ մի միլիմետր չի զիջվելու»,-ասաց Արշակ Հակոբյանը՝ դատապարտելով ճանապարհներ փակելու միջոցով հարցեր լուծելու տարբերակը։