Ծովագյուղում ժողովրդի «Սրբազան, Սրբազան» վանկարկումներին Բագրատ Արքեպիսկոպոս Գալստանյանը հակադարձեց. «Մեր անձի հետ կապված ոչ մի բան չկա, մենք ուղղակի գործիքներ ենք, միջոցներ: Այժմ ժողովուրդն ինքն իրեն է ողջունում: Սրբազանը հենց դուք եք, դուք Աստծու աչքի առջև ապրող ժողովուրդ եք, կյանքն ու գիտակցությունն եք, այսքան ժամանակ զգում եք, որ իր պատիվն ու ուրախությունն է խլված: Դուք, որ ազգերի շարքում պետք է շքերթով գնայիք, այսօր խեղճացած եք: Մեր ցանկությունն է որ ոտքի կանգնենք ու այս խարանը մեր վրայից վերացնենք»: |