Ռուսաստանի Գլխավոր շտաբը սկսել է նախապատրաստվել Հարավային օկրուգի հրթիռային կազմավորումների զորավարժությունների անցկացմանը՝ ավիացիայի և ռազմածովային ուժերի ներգրավմամբ: Մարտավարական միջուկային զենքի կիրառման վարժանքները կանցկացվեն Վլադիմիր Պուտինի հանձնարարությամբ, հայտնել է ՌԴ պաշտպանության նախարարությունը՝ Telegram-ի իր ալիքում: Զորավարժությունները, ինչպես նշել է ՌԴ ՊՆ-ն, պատասխան կդառնան արևմտյան երկրների պաշտոնյաների հայտարարություններին և Ռուսաստանի հասցեին հնչող սպառնալիքներին։ ՌԴ ՊՆ-ն չի հստակեցրել՝ ինչ հայտարարությունների մասին է խոսքը։ |