Մեկնարկել է ԵԱՏՄ 10-րդ գագաթնաժողովը։ Ինչպես գրում են ռուսական լրատվամիջոցները, այս գագաթնաժողովը խորհրդանշական է մի քանի պատճառներով․ ՌԴ նախագահ Վլադիմիր Պուտինի համար սա կլինի 5-րդ ժամկետով վերընտրվելուց հետո առաջին միջազգային հանդիպումը։ Խորհրդանշական է նաև այն առումով, որ Հաղթանակի օրվա նախօրեին Մոսկվայում հավաքվում են նախկին Խորհրդային Միության երկրների առաջնորդները։

Հյուրերի թվում են ոչ միայն ԵԱՏՄ անդամները, այլև Անկախ Պետությունների Համագործակցության գործընկերները: Հրավիրված է նաև Կուբայի նախագահը։

ԵԱՏՄ հոբելյանական գագաթնաժողովը նվիրված է «Եվրասիական տնտեսական միության մասին» պայմանագրի ստորագրման 10-ամյակին։