Ռուսաստանի նախագահ Վլադիմիր Պուտինը Կարմիր հրապարակում Հաղթանակի 79-ամյակին նվիրված շքերթի ժամանակ իր ելույթում ասել է, որ Երկրորդ աշխարհամարտի մասին ճշմարտությունը խանգարում է նրանց, ովքեր գաղութային քաղաքականությունը կառուցում են ստի վրա: «Ռևանշիզմը և պատմության նկատմամբ ծաղրը, նացիզմի արդարացումն արևմտյան էլիտաների ընդհանուր քաղաքականության մի մասն են։ Ռուսաստանն ամեն ինչ կանի գլոբալ հակամարտությունը կանխելու համար, բայց մենք ոչ մեկին թույլ չենք տա սպառնալ մեզ»,- նրա խոսքը մեջբերում է РИА Новости-ն։ Պուտինը նշել է, որ Ռուսաստանը մերժում է ցանկացած պետության կամ դաշինքի՝ բացառիկության հավակնությունները, քանի որ գիտի՝ ինչի է հանգեցնում դրանց չափազանցումը։ |