ՔՊ-ական պատգամավոր Վահագն Ալեքսանյանը Պետրոս Ղազարյանի «Հարցազրույց« հաղորդման եթերում մասնավորապես ասաց. «Մենք շատ հարգում ենք ՀՀ յուրաքանչյուր քաղաքացու, նրա յուրաքանչյուր հարցի պատասխանում ենք ուղիղ երկխոսության միջոցով: Հիմա պատասխանում ենք` ՀՀ-ի լեգիտիմ վարչապետ Նիկոլ Փաշինյանն ընտրվել է ժողովրդի քվեով և ՀՀ-ի լեգիտիմ վարչապետ Նիկոլ Փաշինյանին չի կարելի հեռացնել Ռոբերտ Քոչարյանի տարատեսակ խոսնակների պահանջով: Երբ որ ժողովուրդը կցանկանա ՀՀ-ում իշխանություն փոխել, ժողովուրդն իշխանություն կփոխի: Բայց երբեք չի կարելի ժողովրդին նույնականացնել սերժաքոչարյանական բանդայի հետ: Սա չի վերաբերում հրապարակում հավաքված բոլոր քաղաքացիներին:

Պետրոս ՂԱզարյանի դիտարկմանը` այս ամենը կապ չունի Քոչարյանի ու Սարգսյանի հետ, պատասխանեց. «Դե լավ էլի, էդ մե՞ր պատգամավորներն էին ամբողջ ժամանակ քայլում, թե՞ Քոչարյանի: Ո՞ւմ են ձեռ առնում, մե՞զ, ՀՀ-ի ժողովրդի՞ն»: