Բագրատ Սրբազանն իրեն ուղեկցող քաղաքացիների հետ այցելեց Ժուռնալիստների միություն։ Նրանց դիմավորեց միության նախագահ Սաթիկ Սեյրանյանը։ Նա, սեղանի շուրջ զրուցում ասաց, որ ինչպես Բագրատ Սրբազանը, այնպես էլ լրատվամիջոցները թիրախի տակ են․ «Մեր գործընկեր «Սիվիլնեթ»-ը հրապարակում էր պատրաստել այն մասին, որ տասնյակ կայքեր են բացվել, 2018թ-ին գործող կայքերը վերաբացվել են, հազարավոր դոլարներ են ծախսվել՝ ձեր դեմ թիրախավորված հակաքարոզչություն անելու համար»: