+22 °C, +15 °C ... +29 °C Վաղը`+30 °C
Սուրբ Աննա եկեղեցու բակում քաղաքացիների հետ հանդիպման ժամանակ Բագրատ Սրբազանը տեղեկացրեց՝ վաղը, ժամը 17։00-ին միջազգային համաժողով է կայանալու Օպերային թատրոնի դահլիճում, որտեղ ելույթով պիտի հանդես գա Հայաստանի գործող կառավարության ղեկավարը։ Բագրատ Սրբազանն ընդգծեց՝ կարևոր է լինել այնտեղ և ընդվզում ու բողոք հայտնել, ցույց տալ, որ ժողովուրդը դեմ է սահմանազատման ու սահմանագծման այն պրոցեսին, որին իշխանությունը համաձայնել է։ «Քաղաքացիները՝ յուրաքանչյուրը, հնարավորություն և կարողություն ունի այնտեղ գտնվելու և իր անհամաձայնությունը, բողոքը հայտնելու, հստակ կերպով ցույց տալու, որ այն՝ ռազմավարություն կդնեք անունը, թե քաղաքականություն, ինչ վերաբերում է հատկապես մեր երկրի սահմանազատման-սահմանագծման այս ապօրինի գործընթացին, դրան մենք համաձայն չենք, և մեր անհամաձայնությունը պետք է հայտնենք։ Հոծ թվով պետք է ներկա լինենք և այնտեղ՝ այդ պահին, ուղղակիորեն ընդվզում հայտնենք, որ սա անընդունելի է մեզ համար, և միջազգային հանրության այդ շերտը տեսնի: Այլապես միջազգային հանրությունն ասում է` դուք չեք ընդվզում, իրենց արած ամեն ինչի հետ համաձայն եք»,- ասաց Սրբազանը։ |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am