«Մայիսի 26-ից հետո մեր երկրում առկա է երկիշխանություն: Դրան հաջորդող օրերին ամեն օր կատարվում է մի դեպք, որտեղ այդ երկիշխանության տարրերը երևում են: Նաև այս վայրագություններին զուգահեռ ոստիկանության զսպվածություն ենք տեսնում, հազարներով գալիս են, բայց հիմնականում չեն խառնվում, ինչպես նախկինում: Կարծում եմ` ամեն օր փոփոխություններով լի օրեր ենք ապրում, գորգի տակ չերևացող փոփոխություններ են տեղի ունենում` ի նպաստ հայ ժողովրդի: Փաշինյանը կորցրել է իր իշխանությունը, թեև չի ուզում առերեսվել այդ մտքի հետ: Հիմա Սրբազանի գլխավոր խնդիրն այն է, որ ամեն ինչ անի անցնցում, ինչը հեշտ չէ Փաշինյանի պես պատուհասի պարագայում»,- Սուրբ Աննա եկեղեցու բակում լրագրողների հետ զրույցում նշեց ԱԺԲ-ի խորհրդի անդամ Ժիրայր Սեֆիլյանը: