Եթե ամերիկացիները ցանկանան, ապա Ուկրաինայում խաղաղություն կհաստատվի արդեն վաղը, բայց նրանց դա պետք չէ։ Այս մասին Մոնղոլիայի նախագահի հետ բանակցություններից հետո հայտարարել է Բելառուսի նախագահ Ալեքսանդր Լուկաշենկոն, հաղորդում է Белта-ն։ «Ամերիկացիներին դա պետք չէ։ Ուստի պարզեք՝ ով է մեղավոր, ով՝ ճիշտ»,- ասել է Լուկաշենկոն՝ պատասխանելով լրագրողների քննադատությանը՝ կապված Ուկրաինայում ՌԴ-ի կողմից հատուկ գործողության անցկացման և այդ գործողություններին Բելառուսի աջակցության հետ։ Լուկաշենկոն հավելել է, որ Ռուսաստանը Բելառուսի համար եղբայրական երկիր է, որի հետ համատեղ ռազմական խմբավորման անդամներ են։ |